२०२५ युनायटेड किंगडम महिला तिरंगी मालिका ही ३१ ऑगस्ट ते ४ सप्टेंबर २०२५ दरम्यान इंग्लंडमध्ये खेळवण्यात आलेली महिलांची आंतरराष्ट्रीय टी२० क्रिकेट स्पर्धा होती. या स्पर्धेत ब्राझिल, आईल ऑफ मान आणि जर्सी या तीन संघांनी भाग घेतला. सर्व सामने न्यू फर्नली क्रिकेट क्लब, लीड्स येथे खेळवण्यात आले.
स्पर्धेत एकूण सात सामने नियोजित होते. त्यापैकी आईल ऑफ मान आणि जर्सी यांच्यातील तिसरा सामना तसेच ब्राझिल आणि जर्सी यांच्यातील पाचवा सामना एकही चेंडू न टाकता रद्द झाला. ब्राझिलने निकाल लागलेल्या आपल्या चारही सामन्यांत विजय मिळवला आणि एका अनिर्णित सामन्यासह नऊ गुण मिळवत गुणतालिकेत पहिले स्थान मिळवून स्पर्धेचे विजेतेपद पटकावले. आईल ऑफ मानने तीन गुणांसह दुसरे, तर जर्सीने दोन गुणांसह तिसरे स्थान मिळवले.
ब्राझिलच्या लिंडसे बोआसने चार डावांत ९५ धावा करून स्पर्धेत सर्वाधिक धावा केल्या. तिच्याच संघातील निकोल मॉन्टेरोने चार सामन्यांत नऊ बळी घेत स्पर्धेत सर्वाधिक बळी घेतले.
२०२५ युनायटेड किंग्डम महिला तिरंगी मालिका
जाणून घ्या आश्चर्यकारक तथ्ये.