२०२५ बल्गेरिया महिला चौरंगी मालिका, अधिकृतपणे ईसीएन बल्गेरिया महिला टी२०आ, २०२५, ही ७ ते ९ जुलै २०२५ या कालावधीत सोफिया, बल्गेरिया येथे खेळवण्यात आलेली महिला ट्वेंटी-२० आंतरराष्ट्रीय (मटी२०आ) क्रिकेट स्पर्धा होती. बल्गेरियन क्रिकेट फेडरेशनने आयोजित केलेल्या या स्पर्धेत यजमान बल्गेरिया, तसेच ग्रीस, सर्बिया आणि तुर्कस्तान या चार संघांनी भाग घेतला.
स्पर्धेतील सर्व आठ सामने सोफियामधील वासिल लेव्हस्की राष्ट्रीय क्रीडा अकादमी मैदानावर खेळवण्यात आले. साखळी फेरीत प्रत्येक संघाने इतर तीन संघांविरुद्ध प्रत्येकी एक सामना खेळला. गुणतालिकेतील अव्वल दोन संघ अंतिम सामन्यासाठी, तर उर्वरित दोन संघ तिसऱ्या स्थानासाठीच्या सामन्यासाठी पात्र ठरले.
तुर्कस्तानने साखळी फेरीतील आपले तिन्ही सामने जिंकून गुणतालिकेत पहिले स्थान मिळवले, तर ग्रीस दुसऱ्या स्थानावर राहिला. अंतिम सामन्यात तुर्कस्तानने ग्रीसचा १० धावांनी पराभव करून स्पर्धेचे विजेतेपद पटकावले. तिसऱ्या स्थानासाठीच्या सामन्यात सर्बियाने बल्गेरियाचा आठ गडी राखून पराभव केला.
ग्रीसची अदमांतिया माक्री मालिकावीर ठरली. तिने स्पर्धेत सर्वाधिक १०५ धावा केल्या, तर तिचीच संघसहकारी मारिया सिरिओतीने सर्वाधिक आठ बळी घेतले.
२०२५ बल्गेरिया महिला चौरंगी मालिका
तुम्हाला हे नक्कीच माहित नसेल!