सातारा

सातारा (इंग्रजी : Satara) हे शहर महाराष्ट्र राज्यात असणाऱ्या सातारा जिल्ह्यातील सर्वात मोठे शहर होय. सातारा हे नाव शहराला त्यासभोवतील असलेल्या ७ (सात) टेकड्यांमुळे पडले आहे, असे म्हणतात. हे शहर कृष्णा-वेण्णेच्या संगमावर वसले आहे. हे शहर पुणे-बंगलोर महामार्गावर पुण्याच्या दक्षिणेस १०० किलोमीटर अंतरावर आहे. मुंबई ते सातारा हा १० पदरी (६ मुख्य मार्गिका + 4 सेवा मार्गिका) हमरस्ता दोन्ही शहरांना जोडतो.



या शहराला ऐतिहासिक वारसा लाभलेला आहे, कारण पूर्वी हे शहर मराठा साम्राज्याची राजधानी होते.

छत्रपती संभाजी राजेंचे पुत्र शाहू १ले यांनी हे शहर वसवले (छत्रपती शाहूंच्या काळातच मराठा साम्राज्य अटकेपर्यंत पसरले होते). हा मराठा साम्राज्याच्या सुवर्णकाळ समजला जातो, त्यामुळे मध्ययुगीन काळामध्ये मराठी राजसत्तेचे एक प्रमुख केंद्र म्हणून याा शहराकडे पाहिलेेे जात होते.

विकिपीडियावर संपूर्ण लेख वाचा →