सचिन हिंदुराव वाझे (जन्म : २२ फेब्रुवारी, १९७२) हे एक माजी भारतीय पोलीस अधिकारी आहेत, ज्यांनी मुंबई पोलीस दलात सहायक पोलीस निरीक्षक म्हणून काम केले आहे. अँटिलिया स्फोटक प्रकरण आणि मनसुख हिरेन यांच्या हत्येतील कथित सहभागासाठी ते सध्या राष्ट्रीय तपास संस्थेच्या (NIA) कोठडीत आहेत. संविधानाच्या कलम ३११ (२)(ब) अंतर्गत मुंबई पोलीस आयुक्तांनी त्यांना सेवेतून बडतर्फ केले. ते शिवसेना पक्षाचे सदस्य देखील होते.
वाझे हे मुंबई चकमक पथकामधील एक 'एन्काउंटर स्पेशलिस्ट' होते. कोणत्याही चकमकीत स्वतः कधीही जखमी न होता, तब्बल ६३ कथित गुन्हेगारांच्या न्यायालयबाह्य हत्यांमध्ये त्यांचा सहभाग होता. ख्वाजा युनूसच्या कोठडीतील मृत्यू प्रकरणात अटक झाल्यानंतर त्यांना १७ वर्षांसाठी निलंबित करण्यात आले होते, परंतु नंतर त्यांना जामीन मिळाला आणि जून २०१७ मध्ये ते पुन्हा सेवेत रुजू झाले.
रिपब्लिक टीव्हीचे मुख्य संपादक अर्णब गोस्वामी यांच्या अटकेसाठी त्यांनी रायगड पोलीस दलाचे नेतृत्व केले होते. मार्च २०२१ मध्ये, अँटिलिया बॉम्ब प्रकरणात त्यांच्या भूमिकेसाठी आणि सहभागासाठी त्यांना पुन्हा अटक करण्यात आली. या अटकेनंतर त्यांना पोलीस सेवेतून पुन्हा एकदा निलंबित करण्यात आले. अखेर ११ मे २०२१ रोजी त्यांना पोलीस पदावरून बडतर्फ करण्यात आले.
सचिन वाझे
यामागील विज्ञान आणि इतिहास.