सचिन लोकापुरे

सचिन गंगाधर लोकापुरे (११ ऑक्टोबर, १९८६:सोलापूर, महाराष्ट्र - ) हे एक भारतीय सूक्ष्मदर्शक उपकरण शास्त्रज्ञ व औषधनिर्माण शास्त्रज्ञ आहेत.

त्यांनी शिवाजी विद्यापीठ येथून बी.फार्म. तसेच राजीव गांधी आरोग्य विज्ञान विद्यापीठ, बंगळुरू येथून एम.फार्म. पदवी प्राप्त केली. त्यानंतर लोकापूरे यांनी श्री अप्पासाहेब बिरनाळे फार्मसी महाविद्यालय, सांगली येथे अध्यापन आणि सॅगलो संशोधन व विकास संस्था आणि उद्योग या संस्थेची स्थापना करून संशोधन व विकासाच्या क्षेत्रात पायाभूत कार्य सुरू केले. विशेषतः सूक्ष्मदर्शक उपकरण तंत्रज्ञानाच्या विकासासाठी त्यांनी नाविन्यपूर्ण संशोधन हाती घेतले असून, डिजिटल मिक्रोस्कोपी अँड अडॅप्टर, लेंसलेस नॅनो फायबर ऑप्टिक इल्यूमिनेशन मायक्रोस्कोपसारख्या तंत्रज्ञानाच्या विकासावर त्यांनी कार्य केले आहे.

यासोबतच त्यांनी त्वचा संरक्षण घटक (Sun Protection Factor—SPF) यांच्या वैज्ञानिक मूल्यांकनासाठी “Lokapure SPF Equation” (लोकापुरे समीकरण) विकसित केली आहे. या समीकरणाद्वारे UV-B आणि UV-A या दोन्ही किरणपट्ट्यांमध्ये वनस्पतीजन्य व इतर घटकांच्या फोटोपोटेक्टिव्ह (Photoprotective) क्षमतेचे अधिक व्यापक पद्धतीने मूल्यांकन करण्याचा प्रयत्न करण्यात आला आहे. त्यांच्या या संशोधनातून फार्मास्युटिकल विज्ञान, कॉस्मेटिक विज्ञान, फोटोपोटेक्शन आणि सूक्ष्मदर्शक तंत्रज्ञान या विविध क्षेत्रांमध्ये नाविन्यपूर्ण संशोधनाला चालना मिळाली आहे.

विकिपीडियावर संपूर्ण लेख वाचा →