लेटिशिया मिशेल राइट (३१ ऑक्टोबर १९९३) ही एक गुयानी-ब्रिटिश अभिनेत्री आहे. तिने तिच्या कारकिर्दीची सुरुवात टॉप बॉय, कमिंग अप, चेसिंग शॅडोज, ह्युमन्स, डॉक्टर हू, आणि ब्लॅक मिरर या दूरचित्रवाणी मालिकांतील पाहुण्यांच्या भूमिकांपासून केली होती. यापैकी ब्लॅक मिररसाठी तिलाप्राइमटाइम एमी पुरस्कार नामांकन मिळाले. त्यानंतर तिला २०१५ च्या अर्बन हायम्न या चित्रपटातील भूमिकेसाठी यश मिळाले, ज्यासाठी ब्रिटिश अकादमी ऑफ फिल्म अँड टेलिव्हिजन आर्ट्स (बाफ्टा) ने बाफ्टा ब्रेकथ्रू ब्रिट्सच्या २०१५ गटामध्ये समाविष्ट केले.
२०१८ मध्ये, तिने मार्वल सिनेमॅटिक युनिव्हर्स चित्रपट ब्लॅक पँथरमधील शुरीच्या भूमिकेसाठी जागतिक मान्यता मिळवली. या कामासाठी तिने एन.ए.ए.सी.पी. प्रतिमा पुरस्कार आणि स्क्रीन ॲक्टर्स गिल्ड पुरस्कार जिंकला. तिने ॲव्हेंजर्स: इन्फिनिटी वॉर (२०१८), ॲव्हेंजर्स: एंडगेम (२०१९), आणि ब्लॅक पँथर: वकांडा फॉरएव्हर (२०२२) मधील आपली शुरीची भूमिका पुन्हा साकारली. २०१९ मध्ये, तिला बाफ्टा रायझिंग स्टार पुरस्कार मिळाला. ती स्टीव्ह मॅकक्वीनची २०२० अँथॉलॉजी मालिका स्मॉल अॅक्समध्ये देखील दिसली, ज्याने तिला सॅटेलाइट पुरस्कार नामांकन मिळवून दिले.
लेटिशिया राइट
एक संपूर्ण मार्गदर्शक तुमच्यासाठी.
