रुमी

जलाल अल-दीन मुहम्मद रुमी किंवा फक्त रुमी (३० सप्टेंबर १२०७ - १७ डिसेंबर १२७३), हे १३व्या शतकातील कवी, हनफी न्यायज्ञ (फकीह), मातुरीदी धर्मशास्त्रज्ञ ( मुतकल्लीम ), आणि ख्वाराझमियन साम्राज्यात जन्मलेला सुफी गूढवादी होते.

रुमीची कामे त्यांच्या मातृभाषेत, फारसीमध्ये लिहिली आहेत. त्यांनी कधीकधी अरबी भाषा आणि तुर्की व ग्रीक शब्द त्यांच्या पद्यांमध्ये वापरले. त्यांची मसनवी (मथनवी) ही फारसी भाषेतील महान कवितांपैकी एक मानली जाते. रूमीचा प्रभाव राष्ट्रीय सीमा आणि वांशिक विभागांच्या पलीकडे गेला आहे: इराणी, अफगाण, ताजिक, तुर्क, कुर्द, ग्रीक, मध्य आशियाई मुस्लिम तसेच भारतीय उपखंडातील मुस्लिमांनी गेल्या सात शतकांपासून त्यांच्या आध्यात्मिक वारशाचे खूप कौतुक केले आहे. त्यांच्या कवितेचा प्रभाव केवळ फारसी साहित्यावरच नाही तर ओटोमन तुर्की, चगताई, पश्तो, कुर्दिश, उर्दू आणि बंगाली भाषांच्या साहित्यिक परंपरांवरही पडला आहे.

विकिपीडियावर संपूर्ण लेख वाचा →