राष्ट्रीय संस्कृत विद्यापीठ हे तिरुपती, आंध्र प्रदेश येथे स्थित भारतातील एक विद्यापीठ आहे. पारंपारिक शास्त्रीय अभ्यासासाठी हे एक विशेष केंद्र आहे. अनुदान आयोग कलम ३, अधिनियम १९५६ अंतर्गत उच्च शिक्षण आणि संशोधनासाठी या विद्यापीठाची स्थापना करण्यात आली आहे.
तिरुमला पर्वताच्या पायथ्याशी असलेले हे राष्ट्रीय संस्कृत विद्यापीठ गेल्या चार दशकांपासून संस्कृत शिकण्याच्या आणि शिकवण्याच्या दृष्टिकोनातून विद्यार्थी आणि विद्वानांचे केंद्र बनले आहे. देशाच्या विविध भागातून विविध धर्माचे, जातीचे आणि भाषेचे विद्यार्थी येथे येतात. अभ्यास आणि संशोधनासाठी उत्तम सुविधा आणि अतिशय पोषक वातावरण येथे उपलब्ध आहे. नवीन अभ्यासक्रम, भव्य इमारती, संगणक आदी आधुनिक उपकरणांमुळे हे विदयापीठ संस्कृतच्या अध्यापनाच्या क्षेत्रात प्रगत झाले आहे. तिरुपती शहराच्या मध्यवर्ती भागात वसलेले, विदयापीठ संकुल सावली, सुंदर बागा आणि सुंदर जंगलांनी अतिशय आकर्षक दिसते.
राष्ट्रीय संस्कृत विद्यापीठ
तुमचे ज्ञान वाढवण्यासाठी वाचा.