मेकेलेन हे बेल्जियममधील मेचेलेन, अँटवर्प शहरातील रेल्वे स्थानक आहे. हे स्थानक ५ मे १८३५ रोजी सुरू झाले. या स्थानकातून २५, २७ आणि ५३ लाईन्स येथून जातात.
१८३५ मध्ये, युरोपियन मुख्य भूमीवरील पहिला सार्वजनिक रेल्वे प्रवास या स्थानका पासून सुरू झाला. १८३६ पर्यंत कालव्यावर पूल नसल्यामुळे स्टेशनच्या दक्षिणेला रेल्वे मार्ग थांबला होता. स्टेशनपासून सर्व दिशांना प्रवास सुरू होता: उत्तर ते अँटवर्प, दक्षिणेला ब्रुसेल्स आणि फ्रान्स, पूर्वेला ल्युवेन, लीज आणि व्हर्वियर्स आणि पश्चिमेला डेंडरमोंडे, गेन्ट, ब्रुग्स आणि ऑस्टेंड या ठिकाणी जाणे येथून शक्य होते.
स्थानकाच्या पूर्वेला मोठे मेकेलेन ट्रेन वर्क्स आहे, येथे ट्रेन्सची देखभाल आणि नूतनीकरणासारखी अवजड कामे केली जातात.
या स्थानकात १२ प्लॅटफॉर्म आहेत, पूर्वेकडील ६ इतरांपेक्षा काही मीटर उंच आहेत. २०१२ मध्ये ब्रुसेल्सच्या उत्तरेला मेकेलेन आणि शारबीक दरम्यान नवीन हाय-स्पीड रेल्वे (लाइन २५ एन) सुरू झाली. ही लाइन मेकेलेनला ब्रसेल्स विमानतळाशी देखील जोडते. या मार्गावरून जादा गाड्या सामावून घेण्यासाठी डिसेंबर २०२० मध्ये या स्थानकात ११ आणि १२ हे नवीन प्लॅटफॉर्म बांधण्यात आले.
२०१३ मध्ये, स्टेशनचे आधुनिकीकरण आणि पुनर्बांधणी करण्याच्या मोठ्या योजना सुरू झाल्या. या प्रकल्पाला "मेकेलेन इन बेवेगिंग" असे म्हणतात. त्यानंतर त्रिस्तरीय भूमिगत कार पार्क तयार करण्यात आले आहे. सध्याच्या स्थानकाच्या इमारती आणि ट्रॅक तोडून हे बनवले जाईल. इमारतीच्या कामाला एक दशकाहून अधिक कालावधी लागण्याची अपेक्षा आहे कारण स्टेशनसाठी पुरेशी क्षमता राखण्यासाठी हे काम प्लॅटफॉर्मनुसार करावे लागणार आहे.
मेकेलेन रेल्वे स्थानक
याची कहाणी तुम्हाला माहित आहे का?
