महाबळेश्वर हे ठिकाण महाराष्ट्राच्या सातारा जिल्ह्यातील एक थंड हवेचे ठिकाण व प्रेक्षणीय स्थळ असून, येथे पर्यटक वर्षभर भेट देतात. ब्रिटिश काळापासून महाबळेश्वराला लाभलेला उत्कृष्ट गिरीस्थान हा लौकिक आजही कायम आहे. समुद्रसपाटीपासून १,३७२ मीटर उंचीवर पश्चिम घाटांच्या सह्याद्री रांगेत वसलेले महाबळेश्वर हे थंड हवेचे व सहलीचे निसर्गरम्य ठिकाण आहे.
महाराष्ट्राचे नंदनवन म्हणून ओळखले जाणारे हे प्रसिद्ध पर्यटन स्थळ आहे.
सातारा जिल्ह्यातील महाबळेश्वर हे एक गिरीस्थान नगरपालिका असणारे तालुक्याचे शहर आहे. सह्याद्री पर्वताच्या पश्चिम घाटातील उंच डोंगरावर हे वसलेले शहर आहे. भारतातील जी हिरवळीने सजलेली काही मोजकीच ठिकाणे आहेत, त्यातीलच हे एक आहे.
ब्रिटिश राजवटीत हे मुंबई परगण्याची उन्हाळ्यातील राजधानी होती. याचे क्षेत्रफळ १३७.५१ किमी² (५२.९५ स्क्वेअर मैल) आहे. समुद्रसपाटीपासून याची उंची १३५३ मीटर (४४३९ फूट) आहे.
सन २०११ च्या जनगणनेनुसार याची लोकसंख्या १२,७३७ आहे.
येथे मराठी, हिंदी या भाषा बोलल्या जातात. पुरुष / स्त्री प्रमाण १०/९ असे आहे. येथील साक्षरता प्रमाण ७८% आहे. ६ वर्षांखालील मुलांची लोकसंख्या ११% आहे.
महाबळेश्वर
थोडक्यात पण महत्त्वाचे.
