फेलिपे गॉन्झालेझ

फेलिपे गॉन्झालेझ मार्केझ (५ मार्च, १९४२सेव्हिया, एस्पान्या - ) हे १९८२-९६ दरम्यान स्पेनचे पंतप्रधान होे. गॉन्झालेझ व्यवसायाने वकील आणि प्राध्यापक आहेत. ते स्पॅनिश सोशलिस्ट वर्कर्स पार्टी (पीएसओई) या पक्षाचे दीर्घकाळ सरचिटणीस होते. फ्रांसिस्को फ्रांकोच्या हुकूमशाहीच्या अंतानंतर स्पेनमध्ये लोकशाही पुनर्स्थापित करण्यात आणि आधुनिक स्पेनच्या निर्मितीत त्यांचा वाटा मोलाचा मानला जातो. त्यांच्या नेतृत्वाखाली स्पेनने १९८६ मध्ये युरोपीय संघ आणि नाटो मध्ये प्रवेश केला, ज्यामुळे देशाच्या आर्थिक आणि आंतरराष्ट्रीय संबंधांना नवी दिशा मिळाली.





गॉन्झालेझचा जन्म एका मध्यमवर्गीय कुटुंबात झाला. त्यांनी सेव्हिया विद्यापीठातून कायद्याचे शिक्षण घेतले आणि कामगारांचे वकील म्हणून आपल्या कारकिर्दीची सुरुवात केली. १९६९ मध्ये त्यांनी कार्मेन रोमेरो यांच्याशी विवाह केला. त्यांना त्यांना तीन मुले झाली; परंतु २००८ मध्ये त्यांचा घटस्फोट झाला. नंतर २०१२ मध्ये त्यांनी मारिसा रोमेरो यांच्याशी दुसरा विवाह केला. राजकीय जीवनाव्यतिरिक्त त्यांना निसर्ग, बोन्साय झाडांची लागवड आणि वाचनाची आवड आहे.

विकिपीडियावर संपूर्ण लेख वाचा →