पेशावर (पश्तो: پېښور; उर्दू: پشاور) ही पाकिस्तानच्या खैबर पख्तूनख्वा प्रांताची राजधानी व देशामधील एक प्रमुख शहर आहे. पेशावर पाकिस्तानच्या उत्तर भागात काबुल नदीच्या खोऱ्यामध्ये खैबर खिंडीच्या जवळ वसले असून ते अफगाणिस्तान-पाकिस्तानच्या सीमेजवळ आहे. मध्य आशिया व दक्षिण आशिया मधील ऐतिहासिक केंद्रांपैकी एक असलेले पेशावर सांस्कृतिक, राजकीय व शैक्षणिक दृष्ट्या खैबर पख्तूनख्वामधील सर्वात महत्त्वाचे शहर आहे. तसेच हे खूप जुने आणि प्राचीन शहर आहे.
सप्टेंबर ११, २००१ च्या दहशतवादी हल्ल्यांनतर अमेरिकेने तालिबानविरुद्ध चालू केलेल्या युद्धामुळे पेशावरमध्ये मोठ्या प्रमाणावर अशांतीचे वातावरण निर्माण झाले. अनेक अतिरेकी गट येथे कार्यरत असून अफगाणिस्तानमधील अनेक निर्वासित लोकदेखील येथे स्थानांतरित झाले. येथे सातत्याने होणाऱ्या हल्ल्यांमुळे पेशावरात असुक्षिततेचे वातावरण निर्माण झाले आहे. १६ डिसेंबर २०१४ रोजी पाकिस्तानी तालिबानने पेशावरमधील एक लष्करी शाळेवर हल्ला चढवून १३२ विद्यार्थ्यांना ठार मारले.
पेशावर
थोडक्यात पण महत्त्वाचे.
