पश्चिम जैंतिया हिल्स हा भारताच्या मेघालय राज्यामधील एक जिल्हा आहे. २०१२ साली जैंतिया हिल्स जिल्ह्याचे विभाजन करून पश्चिम जैंतिया हिल्स व पूर्व जैंतिया हिल्स हे दोन नवे जिल्हे निर्माण करण्यात आले. पश्चिम जैंतिया हिल्स जिल्हा मेघालय राज्याच्या पूर्व भागात स्थित असून त्याच्या उत्तरेस आसाम राज्य तर नैऋत्येस बांगलादेशचा सिलहट विभाग आहेत. २०११ साली पश्चिम जैंतिया हिल्स जिल्ह्याची लोकसंख्या सुमारे २.७ लाख इतकी होती. जोवाई नावाचे नगर पश्चिम जैंतिया हिल्स जिल्ह्याचे मुख्यालय आहे. राष्ट्रीय महामार्ग ६ पश्चिम जैंतिया हिल्स जिल्ह्यामधून धावतो व मेघालयला आसामसोबत जोडतो.
प्रामुख्याने ग्रामीण स्वरूपाच्या असणाऱ्या पश्चिम जैंतिया हिल्स जिल्ह्यामधील सुमारे ६७ टक्के रहिवासी ख्रिश्चन धर्मीय आहेत. प्नार व वार ह्या वांशिक जैंतिया लोकांच्या खासी भाषा येथील प्रमुख भाषा आहेत.
पश्चिम जैंतिया हिल्स जिल्हा
यामागील विज्ञान आणि इतिहास.
