द साउंड ऑफ म्युझिक हा १९६५ साली प्रदर्शित झालेला इंग्लिश भाषेतला अमेरिकन चित्रपट आहे. ह्या चित्रपटाचे दिग्दर्शन रॉबर्ट वाईज ह्यांनी केले आहे. ते ह्या चित्रपटाचे निर्माते देखील आहेत. हा चित्रपट १९५९ सालच्या त्याच नावाच्या नाटकाचे रूपांतर आहे, ज्याचे संगीत रिचर्ड रॉजर्स ह्यांचे आहे आणि गीते ऑस्कार हॅमरस्टीन ह्यांची आहेत. अर्नस्ट लेमॅन ह्यांनी लिंडसे अँड क्रुझ ह्यांच्या पुस्तकाचे रूपांतर करून ह्या चित्रपटाची पटकथा लिहिली.[१][२]
मारिया व्हॉन ट्रॅप ह्यांच्या आत्मकथेवर आधारीत, द स्टोरी ऑफ द फॅमिली सिंगर्स (व्हॉन ट्रॅप कुटुंबातील गायकांची कथा) हा चित्रपट आहे. ह्यामध्ये १९३८ साली एका तरुण मुलीला साल्झबर्ग, ऑस्ट्रिया येथील एका विधुर निवृत्त नौसेनेतील सैनिकाच्या घरी, त्यांच्या मुलांची काळजी घ्यायला पाठवलेले असते.[३]
द साउंड ऑफ म्युझिक ह्या चित्रपटाला पाच अकादमी पुरस्कार मिळाले, सर्वोत्कृष्ट चित्रपट, सर्वोत्कृष्ट दिग्दर्शक ह्यासाठी रॉबर्ट वाईज ह्यांना पुरस्कार मिळाले. ह्या चित्रपटाला सर्वोत्कृष्ट चित्रपट आणि सर्वोत्कृष्ट अभिनेत्रीसाठी गोल्डन ग्लोब पुरस्कार देखील मिळाले.[४]
द साउंड ऑफ म्युझिक (चित्रपट)
जाणून घ्या आश्चर्यकारक तथ्ये.