तळोजे पांचनंद हे महाराष्ट्राच्या रायगड जिल्ह्यातील एक गाव आहे. जुन्या मुंबई–पुणे महामार्गावर पनवेलच्या ९ किमी उत्तरेस व खारघरच्या ४ किमी पूर्वेस स्थित असलेल्या तळोजा येथे महाराष्ट्र औद्योगिक विकास महामंडळाचे मोठे संकूल आहे. सिडको ह्या सरकारी संस्थेने तळोजामधील पायाभूत सुविधा बांधण्याची जबाबदारी घेतली असून सध्या तळोजा नवी मुंबई भागातील वेगाने प्रगती करणाऱ्या निवासी क्षेत्रांपैकी एक आहे. तळोजा मध्यवर्ती कारागृह हे महाराष्ट्रामधील एक मोठे कारागृह तळोजा येथेच आहे.
सध्या तळोजा भागातील तळोजे पांचनंद व नावडे रोड ही दोन रेल्वे स्थानके वसई रोड-रोहा रेल्वेमार्ग ह्या मार्गावर स्थित आहेत. तसेच वाहतूकीसाठी एन.एम.एम.टी. ह्या बससेवेचे काही मार्ग तळोजामध्ये उपलब्ध आहेत. नवी मुंबई मेट्रो ह्या जलद परिवहन प्रणालीचे काम झाले असून मेट्रोद्वारे तळोजा ते सी.बी.डी. बेलापूर व नवी मुंबई आंतरराष्ट्रीय विमानतळापर्यंत प्रवास सुलभ झाला आहे.
तळोजे पांचनंद
एका नवीन दृष्टिकोनातून पहा.
