तंतुमेघ

इंग्रजी नाव - Cirrus Cloudसंक्षिप्त खूण (Symbol) - Ci



तंतुमेघ हे अत्युच्च पातळीवर आढळणारे पांढरे शुभ्र किंवा हलक्या राखाडी रंगाचे ढग असून संपूर्णपणे हिमकणांचे बनलेले असतात. सूर्य क्षितिजावर असताना मात्र ह्या ढगांचा रंग पिवळा, तांबडा किंवा क्वचित राखाडी दिसू शकतो. त्यांचा आकार नाजूक व चमकदार तंतूंसारखा किंवा कुरळ्या केसांप्रमाणे असतो. काही वेळा ह्या ढगातून सूर्याभोवती वर्तुळ करणारे २२° खळे [ २२° Halo] दिसू शकतात .

असे ढग स्थिर असल्यास किंवा मंदगतीने हालचाल करत असल्यास ते प्रसन्न किंवा चांगल्या हवेचे लक्षण असते. मात्र जोरदार वाऱ्याबरोबर त्यांचीही शीघ्रगतीने हालचाल होत असल्यास हवेत बिघाड होणार असल्याचे ते निदर्शक असते.

विकिपीडियावर संपूर्ण लेख वाचा →