डब्लिन

डब्लिन (आयरिश: Baile Átha Cliath) ही आयर्लंड देशाची राजधानी व प्रमुख शहर आहे. डब्लिन शहर आयर्लंड बेटाच्या पूर्व किनाऱ्यावर साधारणतः मध्यभागी, डब्लिन विभागाच्या मधोमध लिफी नदीच्या मुखाशी वसले आहे.

व्हायकिंग लोकांनी नवव्या शतकात डब्लिनची वसाहत स्थापन केली. १७व्या शतकापासून डब्लिनची झपाट्याने वाढ झाली व त्या काळी डब्लिन हे ब्रिटिश साम्राज्यामधील दुसरे मोठे शहर मानले जात असे. इ.स. १९२२ मधील आयर्लंडच्या फाळणीनंतर डब्लिन हे आयर्लंडच्या प्रजासत्ताकाचे राजधानीचे शहर झाले.

सध्या डब्लिन शहराची लोकसंख्या ५.२५ लाख तर महानगर क्षेत्राची लोकसंख्या १८ लाख आहे. आयर्लंडचे सांस्कृतिक केंद्र असलेले डब्लिन शहर जगातील ३० सर्वोत्तम शहरांपैकी एक मानले जाते.

विकिपीडियावर संपूर्ण लेख वाचा →