जो सॅंतियागो

जोसेफ अल्बर्टो "जो" सॅंतियागो (इंग्लिश: Joey Santiago) (जून १०, इ.स. १९६५ - हयात) हा फिलिपीनी-अमेरिकन गिटार वादक व संगीतकार आहे. तो इ.स. १९८६ पासून कार्यरत आहे. अमेरिकन अल्टरनेटिव्ह रॉक बँड पिक्सीजचा प्रमुख-गिटारवादक म्हणून तो प्रसिद्ध आहे. तो गट इ.स. १९९३ मध्ये फुटल्यानंतर त्याने अनेक चित्रपटांना व दूरचित्रवाणी माहितीपटांना संगीत दिले. नंतर त्याने त्याची पत्नी लिंडा मल्लारीसोबत द मार्टिनीज नावाचा गट स्थापन केला. त्याने चार्ल्स डग्लस व फ्रँक ब्लॅक यांच्या ध्वनिमुद्रिकांमध्येसुद्धा गिटारवादन केले आहे. पिक्सीज गट इ.स. २००४ साली परत जमला, तेव्हा सॅंतियागो प्रमुख-गिटारवादक म्हणून रुजू झाला.

विकिपीडियावर संपूर्ण लेख वाचा →