जिब्राल्टर महिला क्रिकेट संघाने ऑगस्ट २०२५ मध्ये तीन महिला ट्वेंटी-२० आंतरराष्ट्रीय सामने खेळण्यासाठी एस्टोनियाचा दौरा केला. ही मालिका २ ते ३ ऑगस्ट २०२५ दरम्यान खेळवण्यात आली. सर्व सामने तालिन येथील एस्टोनियन नॅशनल क्रिकेट अँड रग्बी फील्डच्या दुसऱ्या मैदानावर झाले.
एस्टोनियाने पहिला सामना २६ धावांनी जिंकला. जिब्राल्टरने दुसरा सामना सात गडी राखून आणि तिसरा सामना ३४ धावांनी जिंकत मालिका २–१ अशी जिंकली. एस्टोनियाचे नेतृत्व अॅनेमारी वेसिकने, तर जिब्राल्टरचे नेतृत्व एमी बेनाटरने केले.
जिब्राल्टरच्या निक्की कारुआनाने मालिकेत सर्वाधिक ७८ धावा केल्या, तर तिची संघसहकारी हेलन ममफोर्डने सर्वाधिक नऊ बळी घेतले. एस्टोनियाकडून अॅनेमारी वेसिक आणि चमाली लोकुगे यांनी प्रत्येकी २८ धावा केल्या आणि प्रत्येकी तीन बळी घेतले.
जिब्राल्टर महिला क्रिकेट संघाचा एस्टोनिया दौरा, २०२५
तुम्हाला हे नक्कीच माहित नसेल!
