चोरी चोरी चुपके चुपके हा २००१ चा भारतीय हिंदी -भाषेतील रोमँटिक ड्रामा चित्रपट आहे ज्याचे दिग्दर्शन अब्बास-मस्तान यांनी केले आहे, अनुक्रमे जावेद सिद्दीकी आणि नीरज व्होरा यांच्या पटकथा आणि कथा आहे. सलमान खान, राणी मुखर्जी आणि प्रिती झिंटा यांच्या प्रमुख भूमिका असलेल्या या चित्रपटाचे संगीत अनु मलिक यांनी दिले आहे आणि गीते समीर यांनी लिहिली आहेत. एका विवाहित जोडप्याने एका तरुण वेश्येला सरोगेट मदर म्हणून कामावर ठेवण्याची ही कथा आहे. चित्रपटाने भारतात सरोगेट बाळंतपणाच्या निषिद्ध समस्येवर वाचा फोडली व प्रसारणावेळी वाद निर्माण झाला.
सुरुवातीला २२ डिसेंबर २००० रोजी प्रसारीत होणार होता पण अनेक महिने विलंब झाला कारण निर्माते नाझिम रिझवी आणि फायनान्सर भरत शाह यांना अटक करण्यात आली आणि केंद्रीय अन्वेषण ब्यूरोने चित्रपटाच्या प्रती जप्त केल्या या संशयावरून की चित्रपटाच्या निर्मितीला निधी मुंबई अंडरवर्ल्डच्या छोटा शकीलने दिला होता. हा चित्रपट मार्च २००१ मध्ये प्रदर्शित झाला आणि व्यावसायिक यश ठरला. २००१ मध्ये भारतातील सहाव्या क्रमांकाचा सर्वाधिक कमाई करणारा चित्रपट ठरला.
चोरी चोरी चुपके चुपके
एका नवीन दृष्टिकोनातून पहा.