कोल्हेवाडी (लांजा)

कोल्हेवाडी हे भारतातील महाराष्ट्र राज्यातील दक्षिण कोकणातील रत्‍नागिरी जिल्ह्यातील लांजा तालुक्यातील एक गाव आहे.

प्रस्तावना

कोल्हेवाडी हे भारताच्या महाराष्ट्र राज्यातील रत्‍नागिरी जिल्ह्यातील लांजा तालुक्यातील एक मुख्य आणि स्वतंत्र गाव आहे. गावाच्या शासकीय अधिकृत नकाशावर तसेच गुगल नकाशावर (Google Maps) या गावाचा पिन कोड ४१५८०२ (415802) असा नोंदवला गेला आहे. भौगोलिकदृष्ट्या हे गाव केळवली आणि पालू या गावांच्या लगत वसलेले असून, गुगल नकाशावर गावाची स्वतंत्र हद्द स्पष्ट दिसून येते. गावाला स्वतःची स्वतंत्र ओळख असून 'निर्मल ग्रामपंचायत कोल्हेवाडी' अंतर्गत गावाचा स्थानिक कारभार चालतो. 'श्री स्वयंभू केदारलिंग देवस्थान मंदिर' हे कोल्हेवाडी गावाचे मुख्य ग्रामदैवत आणि प्रमुख श्रद्धास्थान आहे.

कोकणच्या निसर्गरम्य वातावरणात वसलेल्या या गावातील लोकांचा मुख्य व्यवसाय प्रामुख्याने शेती असून, येथे आंबा, काजू आणि भाताचे पीक घेतले जाते. नोकरी-व्यवसायानिमित्त मुंबई किंवा इतर शहरांत (परगावी) स्थायिक झालेली सर्व ग्रामस्थ व चाकरमानी मंडळी गावातील प्रमुख सण-उत्सवांना, विशेषतः वार्षिक शिमगोत्सवाला आवर्जून एकत्र येतात.

कोल्हेवाडी (Kolhewadi) हे लांजा (Lanja) तालुक्यातील एक ऐतिहासिक गाव आहे. सरकारी दस्तऐवजांमध्ये 'कोल्हेवाडी' हेच नाव अधिकृत म्हणून नोंदवलेले आहे. गावच्या मौखिक परंपरेनुसार आणि ज्येष्ठ नागरिकांच्या माहितीनुसार, हे गाव अतिशय प्राचीन काळापासून अस्तित्वात असून, ब्रिटिश काळातील महसूल नोंदींमध्येही याच नावाची नोंद आढळते. स्थानिक बोलीभाषेतील उच्चारानुसार गावाला कोलेवाडी असेही संबोधले जाते. (बोलीभाषेत गावाला ओळखले जाते.)

विकिपीडियावर संपूर्ण लेख वाचा →