ऑन्टारियो सरोवर हे उत्तर अमेरिकेतील ५ भव्य सरोवरांपैकी सर्वात लहान सरोवर आहे. ऑन्टारियो सरोवराच्या उत्तर व नैऋत्येला कॅनडाचा ऑन्टारियो हा प्रांत तर दक्षिण व पूर्वेस अमेरिकेचे न्यू यॉर्क हे राज्य आहे. भव्य सरोवरांमध्ये सर्वात शेवटचे व सर्वात कमी उंचीवर असलेले ऑन्टारियो सरोवर सेंट लॉरेन्स नदीद्वारे अटलांटिक महासागरासोबत जोडले गेले आहे. अमेरिकेच्या मिशिगन राज्याचा किनारा नसलेले ऑन्टारियो हे ५ भव्य सरोवरांपैकी एकमेव सरोवर आहे. टोरॉंटो हे कॅनडामधील सर्वात मोठे शहर ऑन्टारियोच्या वायव्य किनाऱ्यावर वसले आहे.
पृष्ठभागाच्या क्षेत्रफळानुसार ऑन्टारियो हे जगातील १४वे मोठे सरोवर आहे. ईरी सरोवरामधून सुरू होणारी नायगारा नदी हा ऑन्टारियो सरोवराचा प्रमुख अंतर्वाह आहे. याशिवाय जेनेसी नदी रॉचेस्टरजवळ या सरोवरास मिळते.
ऑन्टारियो सरोवर
याची कहाणी तुम्हाला माहित आहे का?
