९६वे ऑस्कर पुरस्कार

ॲकॅडमी ऑफ मोशन पिक्चर आर्ट्स अँड सायन्सेस (AMPAS) द्वारे सादर केलेला ९६ वा अकादमी पुरस्कार सोहळा १० मार्च २०२४ रोजी लॉस एंजेलस येथील हॉलिवूडमधील डॉल्बी थिएटरमध्ये झाला. यामध्ये २०२३ मध्ये प्रदर्शित चित्रपटांच्या सन्मानार्थ २३ श्रेणींमध्ये अकादमी पुरस्कार (सामान्यत: ऑस्कर म्हणून ओळखतात) सादर केले. हा समारंभ युनायटेड स्टेट्समध्ये ABC द्वारे प्रसारित केला गेला होता. याचि निर्मिती राज कपूर, मॉली मॅकनेर्नी आणि कॅटी मुल्लान यांनी केली होती आणि हॅमिश हॅमिल्टन हे दिग्दर्शक होते. २०१७ मधील ८९वा समारंभ, २०१८ मध्ये ९०वा समारंभ आणि २०२३ मधील ९५व्या समारंभानंतर विनोदकार जिमी किमेलने चौथ्या वेळी यि कार्यक्रमाचे सूत्रसंचालन केले.

संबंधित कार्यक्रमांमध्ये अकादमीने ९ जानेवारी, २०२४ रोजी ओव्हेशन हॉलीवूड येथील रे डॉल्बी बॉलरूम येथे जॉन मुलानी यांनी संचालित केलेला १४ वा वार्षिक गव्हर्नर्स पुरस्कार सोहळा आयोजित केला होता. लॉस एंजेलसमधील अकादमी म्युझियम ऑफ मोशन पिक्चर्समध्ये २३ फेब्रुवारी २०२४ रोजी यजमान नताशा लिओने यांनी अकादमी वैज्ञानिक आणि तांत्रिक पुरस्कार प्रदान केले. अकादमीच्या YouTube पृष्ठावर एक अमेरिकन सांकेतिक भाषेचा लाइव्हस्ट्रीम प्रसारित करण्यात आला, ज्यामध्ये दुभाष्यांचा व्हिडिओ आहे.

नामनिर्देशनांची घोषणा २३ जानेवारी २०२४ रोजी करण्यात आली. ओपेनहायमरने १३ नामांकनांसह आघाडी घेतली, त्यानंतर पुअर थिंग्ज आणि किलर्स ऑफ द फ्लॉवर मून यांना अनुक्रमे ११ आणि १० नामांकने आहेत.

ओपनहायमरने सर्वोत्कृष्ट चित्रपट, सर्वोत्कृष्ट दिग्दर्शक, सर्वोत्कृष्ट अभिनेता आणि सर्वोत्कृष्ट सहाय्यक अभिनेता असे सात पुरस्कार जिंकले. इतर प्रमुख विजेत्यांमध्ये चार पुरस्कारांसह पुअर थिंग्ज, द झोन ऑफ इंटरेस्ट दोन आणि अमेरिकन फिक्शन, ॲनाटॉमी ऑफ अ फॉल, बार्बी, द बॉय अँड द हेरॉन, गॉडझिला मायनस वन, द होल्डोव्हर्स, द लास्ट रिपेअर शॉप, ट्वेन्टी डेज इन मारियुपोल यांचा समावेश आहे.

विकिपीडियावर संपूर्ण लेख वाचा →