लिस्प (आज्ञावली भाषा)

लिस्प ही एक संगणक आज्ञावली भाषा आहे. १९५८मध्ये तयार करण्यात आलेली ही भाषा फोर्ट्रान नंतरची सगळ्यात जुनी संगणक आज्ञावली भाषा आहे.

तिची निर्मिती १९५८ मध्ये जॉन मॅककार्थी यांनी मॅसेच्युसेट्स इन्स्टिट्यूट ऑफ टेक्नॉलॉजी येथे केली होती. लिस्प हे नाव लिस्ट प्रॉसेसिंग या शब्दांचे संक्षिप्त रूप आहे. ही भाषा प्रामुख्याने कृत्रिम बुद्धिमत्ता संशोधनासाठी विकसित केली गेली होती. लिस्पमध्ये लिहिलेल्या आज्ञावलींची सर्व विधाने कंसांत लिहिली जातात. यांत माहिती व आज्ञावली (कोड) यांच्यात फरक नसतो, ज्याला होमोआयकॉनिसिटी म्हणतात. काळानुरूप लिस्पच्या अनेक उप-आवृत्त्या तयार झाल्या, ज्यामध्ये कॉमन लिस्प आणि स्कीम या सर्वाधिक लोकप्रिय आहेत.

विकिपीडियावर संपूर्ण लेख वाचा →