रोमॉन

रोमॉन हा जपानमधील दोन मजली दरवाजा आहे. अशा प्रकारच्या दोन दरवाज्यांपैकी हा एक प्रकार आहे. दुसऱ्या प्रकारच्या दरवाज्याला निजुमॉन असे म्हणतात. (खाली असलेल्या फोटो गॅलरीमध्ये एक फोटो आहे). जरी हे मूळ बौद्ध वास्तुशैलीद्वारे विकसित केले गेले असले तरी ते बौद्ध मंदिरे आणि शिंटो मंदिरे दोन्हीही ठिकाणी वापरले जात. या दरवाज्याचा वरच मजला प्रवेश करण्यायोग्य नसतो आणि ती जागा वापरण्यायोग्य नाही. या दृष्टीने याची शैली ताहिती (दोन मजली पॅगोडा) आणि बहुमजली पॅगोडा यांसारखीच आहे म्हणजेच पहिल्या मजल्याच्या वर वापरण्यायोग्य जागा नसते. पूर्वी हे नाव दुहेरी-छताच्या दरवाजांसाठी देखील वापरले जायचे.

हा सर्रास वापरात असलेला एकेरी छपराचा दरवाजा आहे. याचा उगम दुहेरी छप्पर असलेल्या निजुमॉन पासून झाला आहे. निजुमॉन मध्ये असलेला पहिला मजल्याचे छप्पर एका उथळ बाल्कनीने बदलून याचा विकास केला आहे. यात दरवाज्याचे नक्षीदार खांब असलेला कठडा पहिल्या मजल्यावर दिसून येतो. रोमॉनमध्ये ब्रॅकेटस (टोक्यो) फक्त पहिल्या मजल्यावर असलेल्या बाल्कनीलाच आधार देतात. ब्रॅकेटस (टोक्यो) सहसा तीन-पायऱ्यांचे (माइट्सकी) असतात, परंतु पहिल्या मजल्यावर टोकांकडे राफ्टर्स नसतात.

रोमॉनच्या रचनेतील तपशीलांमध्ये मोठ्या प्रमाणात बदल असू शकतात. उदाहरणार्थ बॅलस्ट्रॅडच्या मागील बाजूस वरच्या भागामध्ये मध्यभागी एक किंवा दोन खिडक्या असू शकतात. साइड बेज पांढऱ्या मुलाम्याने झाकल्या जाऊ शकतात. रोमॉन सामान्यत: हिप-अँड गेबल (इरीमोया) प्रकारचे छप्पर असते. याचे परिमाण तोदाई-जिच्या ५ बे पासून १-बे पर्यंत वेगवेगळे असू शकते.

विकिपीडियावर संपूर्ण लेख वाचा →