डेड पोएट्स सोसायटी हा १९८९ चा अमेरिकन किशोरवयीन-नाट्य चित्रपट आहे ज्याचे दिग्दर्शन पीटर वेअर यांनी केले आहे आणि टॉम शुलमन यांनी लिहिले आहे. रॉबिन विल्यम्स अभिनीत हा चित्रपट १९५९ मध्ये वेल्टन अकादमी नावाच्या काल्पनिक उच्चभ्रू बोर्डिंग शाळेमध्ये वसला आहे. ही एका इंग्रजी शिक्षकाची कथा सांगते जो आपल्या कविता शिकवण्याद्वारे आपल्या विद्यार्थ्यांना प्रेरित करतो.
डेड पोएट्स सोसायटी हा २ जून १९८९ रोजी अमेरिकेमध्ये प्रसिद्ध झाला. हा चित्रपट व्यावसायिक यशस्वी ठरला. याने जगभरात $२३५ दशलक्ष कमाई केली आणि १९८९ चा पाचवा-सर्वाधिक कमाई करणारा चित्रपट बनला. सोबत ह्याला समीक्षकांकडून सकारात्मक पुनरावलोकने मिळाले. ह्याला सर्वोत्कृष्ट चित्रपट आणि सर्वोत्कृष्ट दिग्दर्शकासाठी ऑस्कर पुरस्कार नामांकन तसेच विल्यम्ससाठी सर्वोत्कृष्ट अभिनेत्याच्या नामांकनासह या चित्रपटाला अनेक प्रशंसा मिळाली. या चित्रपटाला सर्वोत्कृष्ट चित्रपटाचा बाफ्टा पुरस्कार, सर्वोत्कृष्ट विदेशी चित्रपटाचा सीझर पुरस्कार आणि सर्वोत्कृष्ट विदेशी चित्रपटासाठी डेव्हिड डी डोनाटेलो पुरस्कार मिळाला. शुलमन यांना त्यांच्या कामासाठी सर्वोत्कृष्ट मूळ पटकथेचा ऑस्कर पुरस्कार मिळाला.
डेड पोएट्स सोसायटी
चला या जगात एक खोल डुबकी मारूया.