जर्मनीचा सामाजिक लोकशाहीवादी पक्ष (जर्मन: Sozialdemokratische Partei Deutschlands) हा जर्मनी देशामधील एक प्रमुख राजकीय पक्ष आहे. १८६३ साली स्थापना झालेला हा जर्मनीमधील सर्वात जुना पक्ष असून मार्क्सवादी विचारसरणीचा तो जगातील सर्वप्रथम राजकीय पक्ष होता. आजच्या घडीला सामाजिक लोकशाहीवादी पक्ष जर्मन बुंडेश्टागमधील सत्ताधारी पक्ष आहे. ह्या पक्षाचे नेते ओलाफ शोल्त्स जर्मनीचे विद्यमान चान्सेलर आहेत.
१९३० च्या दशकामध्ये नाझी पक्ष व ॲडॉल्फ हिटलर जर्मनीवरील पकड घट्ट करीत असताना सामाजिक लोकशाहीवादी पक्षाने नाझींचा विरोध केला होता. ह्या कारणास्तव १९३३ साली ह्या पक्षावर बंदी घातली गेली व त्याच्या अनेक सदस्यांना तुरूंगात डांबण्यात आले होते. दुसऱ्या महायुद्धानंतर सामाजिक लोकशाहीवादी पक्षाचे कामकाज पुन्हा सुरू झाले. आजच्या घडीला ख्रिश्चन डेमोक्रॅटिक युनियन सह सामाजिक लोकशाहीवादी पक्ष जर्मनीमधील प्रमुख पक्ष मानला जातो.
जर्मनीचा सामाजिक लोकशाहीवादी पक्ष
या विषयातील रहस्ये उलगडा.