गोवा राजीव काँग्रेस पक्ष (जीआरसीपी) हा गोव्यातील भारतीय राष्ट्रीय काँग्रेसमधून फुटलेला एक गट होता. त्याची स्थापना १९९८ मध्ये विल्फ्रेड डिसूझा यांनी केली होती. त्यांनी भारतीय जनता पक्ष (भाजप) आणि महाराष्ट्रवादी गोमंतक पक्षासोबत युतीचे राज्य सरकार स्थापन केले, ज्यात डिसूझा मुख्यमंत्री होते. काँग्रेसमधून फुटताना डिसूझा यांनी काँग्रेसच्या अनेक स्थानिक शाखा आणि राज्यातील संपूर्ण युवक काँग्रेस आणि नॅशनल स्टुडंट्स युनियन ऑफ इंडिया (काँग्रेसची विद्यार्थी शाखा) च्या शाखा आपल्यासोबत घेतल्या.
१९९९ च्या गोवा विधानसभा निवडणुकीत जीआरसीपीने १४ उमेदवार उभे केले, त्यापैकी दोघे निवडून आले ( विल्फ्रेड डिसूझा आणि फ्रान्सिस डिसूझा). पक्षाला एकूण ३६,५७० मते मिळाली. निवडणुकीनंतर लगेचच जीआरसीपीचे राष्ट्रवादी काँग्रेस पक्षात विलीनीकरण झाले.
फ्रान्सिस डिसूझा यांनी त्याच वर्षी ५ नोव्हेंबरला राष्ट्रवादी काँग्रेस सोडून भारतीय राष्ट्रीय काँग्रेसमध्ये पुन्हा प्रवेश केला. नंतर ते भाजपमध्ये सामील झाले होते.
गोवा राजीव काँग्रेस पक्ष
एक संपूर्ण मार्गदर्शक तुमच्यासाठी.