अटाळी

अटाळी हे भारतातील महाराष्ट्र राज्यातील ठाणे जिल्ह्यातील कल्याण तालुक्यातील एक गाव आहे.

हे गाव कल्याण-डोंबिवली महानगरपालिकेच्या क्षेत्रात मोडतं, मुंबई-कसारा रेल्वेमार्गावर आंबिवली स्थानकाचे पश्चिम भाग हे अटाळी गावाचं क्षेत्र आहे.काळू नदी व उल्हास नदीच्या संगमावर हे गाव निसर्गाच्या सान्निध्यात वसलेले आहे, बहुतांश कोळी जमातीचे हे गाव आहे, मासेमारी, भातशेती व ताडाच्या झाडापासून मिळणारी ताडी व ताडगोळे हे येथील प्रमुख उत्पन्न आहे.. भौगोलिकदृष्ट्या व धार्मिकदृष्ट्या हे गाव‌ विशेष आहे कारण हे गाव पूर्वेकडे काळू नदी व भातसा नदीचे संगम व पश्चिमेकडे काळू नदी व उल्हास नदीचे संगम या दोन संगमाच्या मधोमध वसलेले आहे,या गावाचे नाव हे फार पूर्वी जेव्हा कल्याणच्या दिशेने टिटवाळा पर्यंत नदीतून मासेमारी व दळणवळण व्हायचे तेव्हा नदीतुन येणाऱ्या कोळी लोकांनी पाहिले की ओहटीच्या वेळेस या क्षेत्रातील सर्व पाणी आटायचे जे अगदी अत्ता काही वर्षांपूर्वी पर्यंत पूर्णपणे आटायचे वाळूच्र्पा मोठ्या ड्रेझर्सने खोदुन आता हे नदीपात्र खोल झाले असून आता ते तेवढे आटत नाही पण पूर्वी काळू उल्हास संगम ते काळू भातसा संगम पर्यंत सर्व नदीपात्र कोरडे व्हायचे स्थानिक भाषेत याला आटणे किंवा 'आटनी' बोलायचे म्हणून या जागेला ओळखण्यासाठी त्यांनी 'आटनी ' असे संबोधले असावे व त्याचे पूढे अपभ्रंश होऊन 'अटाली ' झाले व तेच सद्ध्याच्या काळात 'अटाळी' असे झाले आहे. काळू व उल्हास नदीच्या संगमाच्या जवळ निसर्गाच्या कुशीत गर्द ताडाच्या व अनेक मोठ्या वृक्षांच्या वनराईत फार सुंदर असे 'श्री दत्त देवस्थान,(मठ)' आहे,येथे परमशांतिचा अनुभव मिळतो तसेच येथे दत्त जयंती उत्सव फार मोठ्या स्वरूपात साजरा केला जातो.या गावात हनुमान व विष्णू देवाचं मंदिर आहे, श्री विष्णू देवाची काळ्या पाषाणातील मूर्ती बाजुच्याच काळू नदीच्या पात्रात सापडली आहे, नदी किनारी एक प्राचीन देवालय आहे.

विकिपीडियावर संपूर्ण लेख वाचा →